沈‧默

冷親,病左,都好,唔洗第一日test就病-_-
鼻涕聲連連
此起彼落
心情唔多好
又發脾氣了
我既”發脾氣”都幾恐怖下
一發就會唔出聲…
走去影上水近邊境地帶
想見一下之前響禁區見過既一棵樹
無奈我博唔到懵a_a
佢已經立左塊牌響度,唔俾人入……
我既小樹a_a 其實禁區入面既景仲令啦……
終於可以拎d菲林去曬喇 =]
3筒.希望聽日會有時間post到上電腦啦

今日興致突襲
想出去南生圍影令景
於是響家中搵足交通資料
終於響二時出到發 -v-
來到元朗西鐵站
行ar行,行ar行,
途中向一個烏英鏡小姐,單車伯伯,收買佬,清潔嬸嬸問路
呼~ 我黎到南生圍喇 T ^ T 好感動~!
果度係一大撻草地
所以,當然係比較猛太陽-_-
我拎住摭,入左橫水渡,行到去山貝河
見到有兩個男攝影師帶住3個令女MODEL響度影相
都幾無奈下=_= 因為我冇得做model嘛~ (噴!)
我要過河喇 (遠望)
見到一個船伯伯
SO NICE
佢真係親切,仲想幫我影相
最後係,我影佢XD
過左河之後
有3個令女model既其中一位男攝影師就過黎搭訕下
令仔黎wo
被邀一齊同佢地影相
我怕醜=.=
好直接地婉拒左…到左e+仲有小小後悔…
佢真係好有哥哥feel (雖然我冇阿哥)
見到我諗住爬過去爛屋度影相時都一路望住我
做care taking
呢位哥哥簡直拎滿分啦!
跟住影完爛屋之後,
我去左d民居度影相
可怕既事情發生
我俾狗追-____- (*自覺係”樣既問題”……)
好驚…當我行行下影到冇野影既時候,
呢隻大狗就由間屋度爬左出黎
佢個樣異常地兇狠
一度叫,一度追住我….
仲唔掉頭走咩…
一度走一度諗:死喇呢次…諗定去邊間打瘋狗針都得喇,
小狗我求你唔好再追我…唔好ar,唔好ar,我唔要ar,唔要ar!
好彩,佢追追下已經冇再追黎…god bless me
其實呢次已經係我有生以黎第3次俾狗追…
第一次無端端俾狗追,因為逃命時跌個狗吃屎,隻狗以為我想汁石仔dump佢,佢先冇再追我
第二次係我去木屋區影相,一路都好平靜,無端端行過一間屋時
就俾一隻相距唔夠一米既狗狂吠.雖然佢同我係隔住一個鐵絲網
但我驚到即刻標眼淚兼用廢棄已久既秒速300m拔足狂奔
第三次,即係呢次,e+諗番起個心都仲寒寒地…
跟住去影相時發覺有最多功能果部相機岩岩好用完一筒film
得番一部咩功能都冇既相機仲有20個quota….
我發覺愈玩攝影就愈想買d令機黎玩功能…
e+已經有小小厭棄左第一部(亦即係最原始果部)機
我認自己貪新忘舊…
跟住行果條出名要黎影model既樹林路啦
見到勁多令女model跟住d男攝影師響度影相
感覺就好似見到d maid跟住主人咁….=口=”
其實個人認為果度係冇野好影
風景都未算吸引,而且果d大草地黃左小小
又俾人影得太膩,我都唔想影落去-___-
諗住走, 響出口見到山貝村,
入去睇下仲有咩好影啦
見到位阿伯wo = =
大家傾唔夠兩句佢就問我拎電話,
仲話要請我飲茶
o左咀…怕怕…
經過多番拒絕,我終於甩身-_-
好驚…同佢行埋同一條路
為左保障自身安全,
我都係行多次橫水渡避開佢好過-___-
真係過癮……
徘徘徊徊之中,我決定hea一hea,寫下今日發生左咩事…
最後就搭車番左去喇

ps1. 買左頂cap, 其實應該早d買-.-
俾阿ma知道左個價錢之後,佢又嬲左我一陣-_-”

ps2.聽日去我去過但又唔記得左係邊點知響今日同朋友傾計時知道番佢既位置既地方影相,
就係大欖=]   好興奮 >v<
樹‧在水中央   我黎喇~~~~
相就最快星期3先有=]

兩個月前睇報紙見到bunny king面世
感覺良好
近排阿妹又買左一個bunny king既筆袋
令我不得不搵搵bunny king既尊容一望再望
好讓自己滿足下童真既欲望=]

同大家分享下佢既圖啦~
佢真係好可愛架 = 3 =

結論: bunny king真係好可愛ar >v<

詳情可瀏覽
http://www.dream-capsule.com/#/bunnyking

生活無聊,拍下幾張照分享分享先~ @v@

(106114.jpg )
有一排迷上左jolly shandy, 仲將令令既玻璃樽儲起,傳說e+ d樽已經響堆填區…

房間床頭既佈置: 睹物思物 =]

今朝早上玩玩下時拍低架=]
太陽中間既果粒紅點係咩黎架@@”

今日我對同學講錯左一句野a_a
講完之後即刻好後悔
唔知點解,我明明響腦海中諗過講唔講好…
但係最後講左之後,
都仍然後悔
唉
我唔明點解自己可以隨口就講左句咁低級既說話出黎…
因為我低級左?

次次睇奧運,見到中國同胞好辛苦比賽時,
特別係響佢地拎獎牌時,
我都會眼濕濕 …
tell me why -口-